Un temblor fuerte a afektá nort di Colombia, djamars anochi. Según Sentro Seismológiko Europeo-Mediteráneo, e temblor tabatin un magnitut di 5.8 riba skala di Richter. A registrá e episentro na 129 kilometer for di Medellin, kaminda tin 2.5 mion habitante. E temblamentu tabatin un profundidat di 72 kilometer. Te ainda no tin muchu informashon di daño material ni posibel víktimanan.