Mick Jagger di 72 aña a priminti di transferí un suma di sèn tur luna na Melanie Hamrick, e bailarina ku ta na esado di Jagger su di ocho yu. Hamrick di 29 aña ta kalkulá pa duna lus na desèmber. Tambe e lo haña un kas ku Jagger lo paga p'e, kaminda e disidí pa biba.
E bailarina ku tabata den un relashon kasual ku e kantante di the Rolling Stones pa dos aña, a sali na estado durante e tour di e banda na Sur Amerika den kumisamentu di e aña aki. Jagger a indiká ku nan no tin nada serio, pero a bisa sí ku su yu lo no tin falta di nada. Segun informenan ta trata di un suma di mas o menos 3 mion euro. E di ocho yu di Jagger lo nase 17 aña despues ku e ultimo yu di Jagger a nase.