Chris Brown ta menasa muhé ku arma di kandela.


Chris Brown ta sospechoso den un investigashon di agreshon despues ku un muhé a yama 911. Sigun fuentenan di TMZ un muhé ta akusá Chris Brown di a menas’é ku un arma di kandela. E supuesto insidente a tuma lugá djamars mainta na Los Angeles. Segun e promé informenan Brown tabata den un kas ku algun amigu, entre otro Ray J. i nan tabata papiando na momento ku algun persona a presentá sin invitashon na e kas. A pidi e personanan pa retirá. Den e personanan tabatin un hòmber ku sí tabata invitá i dos hende muhé ku no tabatin invitashon. Un di e muhénan ku a ser pidí pa retirá for di e kas ta esun ku a hasi e keho na polis, alegando ku Brown a saka un arma di kandela riba dje. Un otro persona na e kas ta insistí ku na momento di e suseso Brown tabata drumí. Dado momento Ray J a sali for di e kas i na e momento ei polis lo a aresto i bui’é. Nan a kontrolá su identifikashon i despues lag’é bai. Aktualmente Chris Brown ta e úniko sospecho di menasa e muhé ku arma di kandela.