FARC ta deklará pas na Colombia.


For di 1964 FARC ta den luchando kontra gobièrnu di Colombia den un konflikto ku a pèrdè miones. E prinsipal grupo iskierdista na Colombia, FARC a ordená tur nan kombatientenan pa para tur akshonnan di gueria entrante mei anochi di djadumingu pa djaluna. Esaki ta nifiká un fin na e guera di 52 aña bieu. Esaki ta un di e gueranan di mas largu den historia. Despues di kuater dia di negosashonnan intensivo na Cuba, lo firma e akuerdo di pas den algun siman. E lider di FARC, Rodrigo Londono, konosí komo Timoleon Jimenez òf Timochenko, a duna e òrdu pa stop di tira. "Nunka mas mayornan lo tin ku dera nan yunan matá den e guera,'' asina Timochenko a deklará na periodistanan. "Tur rivalidat i renkor lo keda den pasado”, e lider di FARC a bisa. VIDEO di kampamentu di FARC.

El a anunsiá e paro di tiramentu durante negosashonnan na Havana, Cuba. Presidente di Colombia Juan Manuel Santos a firma un dekreto anteriormente pa para tur operashon militar kontra FARC. E dekreto tambe a drenta na vigor entrante mei anochi di djadumingu pa djaluna tambe. "Un di e kapítulonan mas doloroso di e pais, ta yegando na un fin” asina e presidente a bisa den un “tweet” djadumingu. El a deklará ku e paro di tiramentu aki ta un “paso históriko”.