Rònt di e strea mas serka di mundu tin un planeta kaminda kisas tin awa. Si esaki ta bèrdat, e posibilidat ta eksistí ku por tin bida ekstraterestre. Un grupo di astrónomo internashonal a publiká e deskubrimentu. E planeta ta un tiki mas grandi ku mundu i e tin mas o ménos e mesun komposishon. Dor di e temperatura ta eksistí e posibilidat pa awa. E planeta ta situá den e asina yamá zona di bida. Segun investigadónan lo e ta un ophetivo importante den buskeda di prueba si lo tin bida riba otro lugánan den kòsmòs. E klima lo ta totalmente diferente na esun di mundu i e planeta probablemente lo no tin temporada manera verano etc. Tambe lo e ta keda eksponé na hopi mas rayo-uv ku mundu.
E planeta tin e nòmber Proxima b. E ta drei rònt di Proxima Centauri. E strea ei ta keda solamente kuater aña di lus for di mundu, pero no por wak e. Pa un tempu kaba sientífikonan ta kalkulando un posibel mishon. Lo por kuminsá ku esei aki un binti aña. Danki na teknologianan nobo un nave espasial lo por bula rapidísimo i lo tin mester di solamente trinta aña pa yega na e strea.