Mark Rutte ke bolbe bira promé minister den elekshonnan benidero na Ulanda. E ta mantené su puesto komo lider polítiko di VVD. Rutte a deklará pa e korant De Telegraaf ku e ta sigui i ku e ta hopi motivá. Direktiva di e partido a nombra Rutte ofisialmente komo lider polítiko di VVD, sigun un bosero. Si Rutte no logra bira e partido mas grandi, Rutte lo ta parti di Tweede Kamer. Rutte di 49 aña ta lider di e partido liberal VVD for di aña 2006 i ta promé minister for di 2010. E gabinete aktual ta e di dos pa Rutte. E promé gabinete Rutte ku CDA ku apoyo táktiko di PVV a terminá promé ku tempu. E gabinete aktual ku VVD i PvdA ta na mando for di 2012. Na mart 2017 lo tene elekshonnan pa Tweede Kamer. VVD tin 40 asiento aktualmente den Tweede Kamer. Na òktober e programa di elekshon lo ta konosí.