Wikileaks ta publiká informashon di hendenan inosente.


E wèpsait Wikileaks ta publiká regularmente informashon di hendenan inosente, entre otro muchanan ku ta malu, víktimanan di abusu seksual i hendenan ku un enfermedat mental. Wikileaks ta konosí pa publiká dokumentonan sekreto i datonan ku meta pa hasi sekretonan di gobièrnunan públiko. Sinembargo den e bataya pa logra transparensha frekuentemente ta publiká informashon di siudadanonan tambe, esaki Accosiated Press ta konkluí sigun nan propio análisis nan. Aña pasa so, Wikileaks a publiká datonan médiko di un kantidat grandi di hende riba internèt. Den dos kaso a menshoná nòmber di menornan di edat ku a sufri abuso seksual. Tambe a menshoná nòmber di un hòmber Saudi, ku a keda arestá pa homoseksualidat, algu ku estriktamente prohibí den e pais i kastigabel ku pena di morto. Tambe ta aparesé datonan di divorsio di parehanan i debenan finansiero. Den hopi kaso ta trata di datonan di habitantenan di Saudi Arabia.

Wikileaks no a reakshoná ainda riba e krítikanan. No ta promé biaha ku ta krítika Wikileaks di kompartí informashon personal. Den pasado no a sensura sierto dokumentonan di e partido Demókrata merikano, kousando asina ku diferente numbernan fiskal i informashon di credit card tabata visibel.