Turkia a pidi Merka ekstradishon di religioso Gülen.


Turkia a pidi Merka ofisialmente pa ekstradishon di e religioso Fethullah Gülen, segun informe di ministerio di asuntunan eksterior merikano. E petishon no tin di aber ku e di gòlpi di estado frakasá na Turkia. E presidente Turko Erogdan anteriormente a anunsiá ku e ta sospechá Gülen di ta involví den e intento di gòlpi di estado. E petishon ta basá riba otro asuntunan pa kual Turkia ta buska Gülen. Sinembargo no ta konosí ta kiko e otro asuntunan akí ta. Dia 15 di yüli último a tuma lugá un intento di gòlpi di estado ku a frakasá. For di e momentu ei a arestá miles di simpatisante di Gülen. Tambe a sera skolnan, universidatnan i medionan ku tin laso di un forma òf otro ku Gülen. For di kuminsamentu di òugùstùs kaba a pidi pa ekstradishon di Gülen i a emití un òrdu di detenshon kontra e religioso. Gülen di su banda ta boga pa un investigashon rondó di e susesonan ku a kondusí na e gòlpi di estado frakasá.