Den un komunikado, bosero di Curaçao North Sea Jazz ta refutá e spekulashon i rumornan rondo di e mega artista Chris Brown. Kontrali na tur spekulashon i rumor ku ta sigui plama, spesialmente riba e ret di medionan sosial i originá aki na Kòrsou, e artista di hubentut Chris Brown ta kontratá i konfirmá pa presentá riba djabièrnè dia 2 di sèptèmber mei anochi riba tarima Sam Cooke. E ta e artista programá i apuntá pa sera e di dos anochi di e di shete edishon di Curaçao North Sea Jazz Festival ku un tremendo show. Fundashon Bon Intenshon ta pidi pa no bai tras di e rumornan i konsiderá nan komo e promé, e úniko i e último fuente di informashon fidedigno al respekto i pa henter e programa musikal pa e magno evento di Curacao North Sea Jazz.