ELEKSHON 2016 : Anthony Godett ta protestá ku firmamentu di lista no ta kana bon.


Den un karta dirigí na Konseho Supremo Elektoral riba djasabra (e promé dia pa sostené lista), lider di Frente Obrero Liberashon 30 Mei a mustra su mal kontentu pa e manera kon e proseso pa sostené lista a kana. Na: Konseho Supremo Elektoral Pa medio di drs. señor Raymond Pacheco Romer Roodeweg Kòrsou, 20 di ougùstùs 2016-08-20

Tópiko: PROTESTA NUMBER 1.

Partido Frente Obrero pa medio di esaki ta protesta lo siguiente.

Partido Frente Obrero a konstatá ku durante votashon : 1. No(t)a menshoná number di identidat di e votadó; 2. Ku no ta bisa na bos haltu nòmber i fam di e votadó; 3. Ku ta violá e lei di elekshon 2010. No. 87, dor di hasi uso di un buzon di karton pa depositá nan voto. Esaki ta violá artíkulo 51 di e lei di elekshon!

Partido Frente Obrero a base di e loke ta ariba deskribí ta depositá su promé protesta durante preelekshon di dia 20 di ougùstùs.

No ta ekskluí e posibilidat, ku si tin mas kaso ku ta violá e lei di elekshon, ku nos lo registrá i protesta pa medio di e sistema aki.

Atentamente,

Anthony A. Godett Sirbidó/lider polítiko