A deskubrí sangura tiger na Veenendaal na Ulanda.


Den un bario na Veenendaal, a bin topa ku un kantidat di sangura asiátiko, ku por traspasá malesanan manera Zika. Outoridat hulandes riba tereno di kuminda i produktonan alimentisio (NVWA), ta bai kombatí e sanguranan eksótiko akí. E akshon ei tin ku prevení ku e sangura ta bai forma su bibá na Ulanda. Ainda no ta konosí kon e sanguranan tiger a yega Veenendaal na Ulanda. NVWA ta investigá si tin mas di e tipo di sangura akí. Ta p’esei a laga pone algun trampa den e bario Dragonder-Noord. Esnan ku ta biba alrededor a haña un notifikashon via karta di NVWA. Segun e instansia por eliminá e posibilidat ku sanguranan tiger, lo por pasa ofer malesanan kontagioso manera Dengue, Chikungunya i Zika. Den paisnan tropikal na Asia, Afrika i Merka ta kaminda tin hopi virus. “E riesgo riba un epidemia di e malesanan na Veendaal, na e momentunan akí, por keda ekskluí” asina un koordinadó na e siudat a duna di konosé. E mordénan di e sangura tiger, ku ta aktivo den dia, por ta hopi fastioso. Kombatimentu di e sanguranan ta tuma lugá 500 meter rondó di e sitio kaminda a deskubrí e sanguranan.