Kantidat di morto a subi na 10 debí na inundashonnan na Louisiana.


E inundashonnan na e estado merikano Louisiana a kosta bida di 3 hende mas. Outoridatnan a konstatá awor 10 morto. Maske ku e nivel di awa a baha, e molèster den e estado no a pasa ainda. Mas o ménos dies mil hende mester a bandoná nan kas i 40.000 kas a sufri daño.

Dor ku e nivel di awa a baha, algun hende por a bai wak kuantu daño nan kas a sufri. Un habitante di Praireville a bisa ku el a drenta su kas ku un boto i a topa ku piská i miles di araña. El a bisa: “Mi no ta gaña, mi a kuminsa yora”. Na Livingston a balotá ku 75 porshentu di kas a keda destruí totalmente. Awor ku por pasa atrobe riba e karetera prinsipal, asistentenan por hiba awa, kuminda i remedi na e 25 sentro di alohamentu den e estado.

A alohá 12.000 hende den e estado di Louisiana, den lokalidatnan di emergensia. No ta konosí kon bin e tres víktimanan nobo a pèrdè nan bida.