Eskándalo seksual di atleta na Rio, ta poné pèrdè medaya pa su país.


Komité Olímpiko brasileño a sanshoná e saltadó di trampolín Ingrid de Oliveira, despues ku a sali na kla ku el a mantené relashon seksual hinter anochi ku e atleta di remamentu, Pedro Gonçalves, nèt promé ku e mester a kompetí. E situashon a bira konosí, despues ku Oliveira i su kompañera di kamber i den kompetensia, Giovanna Pedrosa tabatin un presentashon malísimo den nan prueba di salto. Komité Olímpiko di Brasil a pidi e atletanan, ku tabata faborito pa gana e prueba, pa un splikashon. Na e momentu ei Pedrosa a basha abou ta kiko a pasa. Según e atleta, e anochi promé ku e kompetensia, Ingrid a pidi Giovanna pa laga e kamber liber pa e por pasa anochi ku Pedro Gonçalves. Algu ku el a ninga na promé instante, argumentando ku nan mester sosegá pa por rindi di forma adekuá e siguiente dia. Finalmente, segun medionan brasileño, Giovanna lo mester a sede debí na e insistensia di Ingrid i ku komo resultado ku e pareha a finalisá na último posishon den e buèlta di klasifikashon. P’esei Komité Olímpiko brazileño a pidi splikashon na e dos altletanan.

E loke ku Ingrid, ganadó di medaya di plata den Weganan Panamerikanoa hasi, a kousa un daño na su ekipo i su pais. “Tur hende por komete un eror”, Ingrid a deklará den un reakshon. Su fayo a kost’é un opshon riba medalla pa su país.