Churandy Martina ta bolbe pasa pa final olímpiko na Rio.


Ku un tempu di 20:10 Churandy Martina (foto ANP) ta klasifiká atrobe pa un final olímpiko riba 200m. Den un final pèrtá ku kontra Justin Gatlin di Merka Churandy a logra krusa liña promé pa sigurá su lugá den e gran final. Esaki no ta promé bia ku Churandy ta den un final olímpiko. Tantu na Peking (2008) komo na London (2012), Churandy a logra su puesto den final. Na Peking, Churandy a logra drenta despues di e temibel Usain Bolt, pero a keda deskualifiká ora ku ela trapa riba riba liña i no por a bisti e medaya di plata. Durante e resiente kampeonato oropeo tambe Churandy a trapa riba liña. Pa e motibu ei e no por a keda koroná komo kampeon oropeo. Churandy lo topa ku Usain den e gran final ku lo tuma lugá djaweps anochi 9:30pm (ora di Kòrsou) na Rio de Janeiro.

Churandy ta kore djaweps anochi den final huntu ku : Usain Bolt (Jamaica) Andre de Grasse (Canada) LaShawn Merritt (Merka) Christophe Lemaitre (Fransia) Alonso Edward (Panama) Adam Gemili (Inglatera) Ramil Guliyev (Turkia)