Despues di un lucha largu, Monique Koeyers-Felida a fayesé djaluna den oranan di mainta. Monique ta un dje pioneronan den prensa. Monique tabata konosí durante su último periodo den prensa pa su popular programa Glamour ku tabata pasa na TeleCuraçao. Pero aparte di esei, Monique tabata konosí tambe komo maestro di seremonia pa varios evento grandi. Pa hopi aña Monique a presentá e edishon prinsipal di notisia na TeleCuraçao. Aparte di su trabou den prensa, Monique tabata maestro di skol tambe pa hopi aña. Último añanan, Monique a drenta polítika i a bira parlamentario pa MFK. Den ambiente kultural tambe Monique tabata konosí pa su grupo di seú. Ta Monique tabata e motor tras di yegada di Sanikolas tur aña. Di tur e diferente formanan aki, Monique a sa di duna un kontribushon balioso na su dushi isla, Kòrsou. Nos lo sinti bo falta. Forsa na su famianan. Sosega na pas, Monique. [if !supportLineBreakNewLine] [endif]