E gira “Formation” di Beyoncé Knowles, a generá te ku awor 210 mion dòlar, ekivalente na 190 mion euro. Durante e promé dos partinan di e gira na Nòrt Amerika i Europa a bende 1.8 mion karchi repartí riba 40 konsierto, sigun Billboard ta informá. Na aprel e “tour” a kumisá na Miami. Dia 28 di yüni Beyoncé a duna su promé konsierto europeo di e gira na Inglatera. Na tur Beyoncé a presentá 17 bia na Europa den 16 diferente siudat. Na London so Beyoncé a presentá dos biaha. Dia 16 di yüli e kantante a presentá den Arena na Amsterdam. E konsierto ku e kantidat di públiko mas grandi tabata na Paris, kaminda 75.160 hende a presensiá e konsierto. Despues di un pousa kòrtiku, Beyoncé lo resumí su gira dia 7 di september, pa asina duna un total di 9 konsierto mas na Merka.