Ku sosten i kooperashon di e instituto Inter-amerikano pa agrikultura IICA, un grupo di prosesadónan di agrikultura, ku ta konsistí pa un mayoria di hende muhé den interior di e pais, a partisipá na un kompetensia pa e mihó produktonan prosesá for di e fruta di mango. Esaki a tuma lugá na Antigua durante Festival di Mango 2016. Nan partisipashon den e kompetensia aki tabata sostené pa e ministerio di Agrikultura, Propiedat, Peskeria i Asuntunan di Barbuda i e ministerio di Edukashon, Siensia i Teknologia. Di akuerdo ku e organisadónan, meta prinsipal di e kompetensha tabata pa sostené e grupo di hende muhé den interior di e pais i otro agrikultornan lokal pa eksponé nan produktonan. E kompetensha tabata dividí den seis kategoria den kua a inkluí : Djèm, gelatina i mermelada. Chùtní i achar. Desert i bolo. Sòus. Refresko, djus, “smoothies”, batido i biña. Konfeit, bèrdura i otro produktonan derivá. E ganadónan a presentá produktonan ku ta inkluí djèm di mango, chùtni, sorbet, “vinaigrette” i cheps di batata dushi. Segun Craig Thomas, speshalista tékniko na Antigua i Barbuda di IICA, e kompetensha su intenshon ta pa duna oportunidat na empresanan chikí, speshalmente pa hende muhé, pa por fortifiká prosesonan ku balor agregá i krea oportunidatnan di merkado tantu pa bendedó i kumpradó. E Festival di Mango 2016 a tuma lugá na Victoria Park, Botanical gardens.
E lema di e evento tabata: Mango and carnaval mek fu (made for) sweet bacchanal”.