No tin òrdu di detenshon mas kontra Tyga.


A retirá e òrdu di detenshon kontra rèper Tyga. E kantante aktualmente ta di vakashon ku su pareha Kylie Jenner na e islanan Turks i Caicos. Tabata tin un òrdu pa duane arestá Tyga, imediatamente ora e regresá Merka. Asina TMZ a informá. Un hues a dikta e aresto, despues ku propietario di e kas kaminda Tyga tabata biba a akusé pa pago di hür atrasá, pa un suma di 480.000 dòler. Tambe lo tabatin daño ku e artista a hasi na e kas. Tyga supuestamente a paga mitar di e debe habrí i pa e motibu aki e hues lo a retira e òrdu di detenshon. Pa motibu di su fakansi, Tyga no tabata presente na e huisio.