Hillary i Bill Clinton a gana mas ku 10 mion dòler na 2015.


Hillary i su kasá Bill Clinton a gana den 2015 mas ku 10 mion dòler (kasi 9 mion euro) i a paga mas o ménos 34 porshento na impuesto. Esaki segun e datonan ku e kandidato presidensial demokrátiko a publiká djabièrnè. Publikashon di e datonan di impuesto dor di kandidatonan presidensial merikano ya ta un tradishon pa basta aña. Di famia Clinton, ku ya pa basta aña e datonan di impuesto ta konosí, sigur for di 1977. Komo orador Bill Clinton a gana na 2015 kasi 5,3 mion dòler. Hillary Clinton a gana 3 mion dòler ku e buki ku el a skibi tokante di su temporada komo minister di Asuntunan Eksterior. E kontrinkante di Clinton, Donald Trump, ta nenga te ainda na publiká su datonan di impuesto i último tempu el a duna diferente deklarashon riba e asuntu ei. Aparentemente e ta ser ‘di screen’ na e momentunan akí dor di Departamentu di Impuesto merikano i ta p’esei e no por ta habrí. E Departamentu di Impuesto ta kontradesí e deklarashon aki di Trump. Mas aleu Trump a deklará ku loke e ta paga na impuesto no ta niun hende su asuntu.