Varios projekto di fèri pa konektá islanan den Karibe.


Miéntras varios otro isla den karibe ta trahando duru riba nan konekshon via un fèri, islanan ABC ta tambe luchando. E proyekto pa konektá Aruba, Boneiru i Kòrsou via laman tabata mustra di bira hopi komprometedor, pero e ta parse ku e lo no bai kristalisá por lo pronto.

Di otro un banda di karibe, e Servisio di Fèri di Karibe (Caribbean Ferry Service), registrá na Barbados, ta den proseso pa finalisá e papeleo pa operá dos barku grandi. Tin otro esfuerso tambe pa por optené un fèri “double-decker” ku e kapasidat di 350 pasahero, pa nabegá entre e otro islanan di Karibe. Di akuerdo ku e korant “Nation” di Barbados, Caribbean Ferry Service lo operá e fèrinan The Dream Jet Express i The Opal Jet Express, pa pasahero i karga. El a indiká ku e servisio inisialmente lo ta aksesibel pa biaheronan di Barbados, St. Vincent & the Grenadines i St. Lucia i poko poko lo añadí otro islanan na e destinashonnan. C.E.O. Randy Connor a bisa ku e barkunan lo tin dos haf doméstiko: St. Vincent & the Grenadines i Barbados. Entre tantu, na Dominica, Kapitan Neville Wade, ku ta den e negoshi di nabegashon pa mas ku 50 aña a deklará na un kanal di televishon lokal, ku ta spera di por tin su mes fèri operashonal pa e luna aki, esta ougùstùs 2016. Mi sa ku nos lo no bai haña 350 biahero mesora entre e islanan. Podisé nos por haña 250. Mi ta spera ku e fèri ta funshoná bon i ku nos lo por haña un di dos fèri pa konektá ku Tortola, ku Trinidad, riba un base diario.