Ta akusá Ed Sheeran atrobe di plagio. (video)


Herederonan di outor di e piesa 'Let's Get It On' interpretá pa Marvin Gaye a demandá Ed Sheeran (foto) pa plagio. Sheeran su piesa 'Thinking Out Loud' lo ta parse e klásiko di Marvin Gaye demasiado. Asina TMZ ta informá. E demanda a ser presentá dor di herederonan di Ed Townsend, ku a skibi e piesa na 1973 huntu ku Marvin Gaye. Sheeran supuestamente lo a kopia e melodia, harmonia i komposishon rítmiko di 'Let's Get It On'. No ta promé biaha ku ta akusá Sheeran di plagio. Na yüni a demandá e kantante pa e piesa 'Photograph', kual supuestamente e lo a kopia di e piesa 'Amazing' di kantante Matt Cardle, ganadó di XFactor. Sheeran no a reakshoná riba e akusashonnan.
Aña pasá e famia di Marvin Gaye a demandá e eksitoso kantantenan Robin Thicke i Pharell Williams pa plagio. Den e kaso ei hues a duna e herederonan rason i a dikta ku nan ta'tin derechi riba un suma di 7.4 mion dòlar. Presentashon Marvin Gaye "Let's Get It On"

Video klep di Ed Sheeran su "Thinking Out Loud"