Polis di Los Angeles ta rekonosé fayo di a mata hòmber desarmá.

Polis di Los Angeles a atmití ku luna pasá nan a kometé un fayo ora a tira un hòmber pretu desarmá mata. Donnell Thompson di 27 aña tabata ketu drumí abou i polisnan a kere ku ta trata di un ladron di outo. No ta konosí di kon e hòmber tabata drumí abou fo’i dje.

Ora ku el a lanta i kue su faha tene, un agente polisial a lòs dos tiru ku a resultá fatal. Esun ku realmente a hòrta outo a keda detené un ratu promé. Abogado di e víktima a laga sa ku famianan di e hóben ta bai entregá un keho kontra kuerpo polisial merikano. E agente polisial ku a lòs e tirunan ta di skòrs. Ounke polis a atmití ku ta trata di un fayo, ta investigando pa sa kousa real di e aksidente. Mester keda probá ainda, si aktuashon di e polis en kuestion ta hustifiká den e sirkunstanshanan ei.