Tormenta tropikal Earl ta kousa 38 morto na México.


Tormenta tropikal Earl a eksigí sigur 38 bida na México. Puebla tabata e region mas afektá.

28 hende a pèrdè nan bida despues ku kasnan a kai den otro ora ku tera a move.

Dor di áwaseru fuerte mester a sera e outopista entre e siudat di Mexico i e área afektá. Debí na hopi lodo e kaminda tabata intransitabel. Na Veracruz, na parti ost di México, tambe tormenta tropikal Earl a okashoná movementu di tera. Segun e gobernador di Veracruz, dies hende a pèrdè nan bida. Mientrastantu otro tormenta a forma. Javier a alkansá velosidat di 75 kilometer pa ora i ta move direkshon di kosta wèst di Merka.