NBC Universal i Snapchat ta bai traha huntu. E kanal di televishon ta bai traha shownan diseñá speshal pa e ‘app’ di 'smartphone'. Esaki NBC a informá djaluna.Tambe e kanal i e ‘app’ popular Snapchat ta bai drenta un kolaborashón di propaganda. E promé programa ku por mira riba Snapchat ta ‘The Voice on Snapchat’, basá riba e programa musikal di e mesun nòmber, ku ta buska talentonan nobo. Por mira e show via ‘app’ dia 22 di òugùstùs pa promé biaha. Otro programanan ku tambe lo haña nan propio vershon spesial pa Snapchat ta ‘The Tonight Show Starring Jimmy’ i ‘Saturday Night Live’. No ta trata di kompilashon di e programanan, pero di sekshonan úniko ku lo por sigui únikamente riba Snapchat. Esaki no ta promé bia ku e 2 kompanianan aki ta traha huntu. Aktualmente NBC i Snapchat ta produsí 'live stories' pa e kanal di weganan Olímpiko riba e ‘app’.