E beisbolista dominikano Alex Rodriguez lo hunga su ultimo wega ku New York Yankees djabièrnè 12 di òugùstùs. Esaki Rodriguez i su klùp a informá durante di un rueda di prensa. E beisbolista, ku ta ser konsiderá komo un di e mihónan di tur tempu tabata tin un kòntrakt mionario ku Yankees te 2017. Probablemente Rodriguez di 41 aña, debí na su popularidat, lo sigui komo konsehero, awor ku el a pone un fin definitivo na su karera. "Esaki ta un dia difisil', A-Rod a bisa durante e rueda di prensa. "Mi stima e deporte akí i mi stima mi ekipo i awe mi ta tuma despedida di tur dos. Mi ta’tin 18 aña dia mi a kuminsá den e kompetensianan. Mi kier a yega liganan grandi.'
Rodriguez a bati te ku awor 3114 hit i 696 homerun den su karera. Na 2009 Rodriguez tabata den publisidat na momentu ku a bira konosí ku e la logra su prestashon ku uzo di doping. Durante di un entrevista ku ESPN e la admití ku entre 2001 pa 2003 e la hasi uzo di stèròids. A suspendé na 2014 pa 162 wega debí na uzo di ‘doping’ un aña prome.