E seis hobennan ku a resulta ganador den e Curacao Baseball Week (CBW) di 2015, lo ta presente djaluna awor den stadion di Marlins na Miami, pa presensia e wega di e ekipo aki kontra Giants di San Francisco. Durante di e siman di beisbòl na Kòrsou nan tabata esnan ku mas a destake den tur aspekto. Nan ta Givian Sirvania, Deshandro Tromp, Jurrangelo Cijntje, Randy Nicia, Michelson Danchi i Riorden Windster. E ultimo aki ta na Easley, Nort Carolina, ku e ekipo di Big League di Korsou pa e Serie Mundial. E gran hombernan di nos beisbòl, Hensley Meulens (San Francisco Giants), Ben Thijssen (coach) i Steve Janssen, Coach di e selekshon nashonal hulandes a hasi e eskogo di e hobennan aki.
E talentonan lo biaha pa Miami, akompañá pa nan mayor. Huntu ku nan lo biaha e organisashon di Curacao Baseball Week i bosero di evento, Gonzalo Cuales. Tambe lo biaha ku e delehashon kuater persona ku a “kumpra” e biahe aki durante di e sena i vindishi orgamnisa den kuadro di e siman grandi di beisbol. Ta hustamente e loke nan a paga pa loke nan a kumpra den e vindishi, a hasi e biahe aki posibel,
