E mayoria ku derechi di voto na Sint Maarten ta hende muhé.


Hende muhé ku nashonalidat Hulandes, pero ku ta di origen ta di un gran kantidat di pais na mundu, ta forma e mayoria di esnan ku derechi di voto na Sint Maarten. Elekshon na Sint Maarten lo tuma lugá 26 di sèptèmber awor. Di e 22.302 persona ku derechi di voto, 11.488 ta hendé muhé i 10.814 hende hòmber.

Lo anunsiá e kantidat di hende muhé ku a pone nan mes disponibel pa pa subi lista riba 'Nomination Day' ku ta dia 8 di ougustus.

E kantidat di partido ku ke partispá na e proksimo elekshonan a krese di 6 bai 9, den komparashon ku 2014. Dos di e partidonan nobo tin un hende muhé na kabes. Nan ta 'People's Progressive Alliance' (PPA) ku su lider polítiko Gracita Arrinell i 'Helping Our People Excel (HOPE) ku Mercedes van der Waal-Wyatt. Banda di e 2 nan aki partido DP tambe tin un hende muhé na kabes, esta Sarah Wescot-Williams.

Unikamente 3 di e 15 miembronan di parlamento ta hende muhé. Huntu ku Wescot-Williams tin tambe Tamara Leonard (UP) i Leona Marlin-Romeo den Parlamento.

E total di 22.302 di esnan ku derechi di voto ta bin for di 115 pais. E grupo mas grandi ku ta konsisti di 13.030 ta bin for di Reino Hulandes. Di un islanan ku a forma Antias Hulandes tin 11.816, di Hulanda 1191 i di Aruba 23.

E grupo mas grandi di votadonan ku a nase pafó di Reino Hulandes tin nashonalidat franses (1677) i ta bini di entre otro di Sint Maarten franses of di Guadaloupe. E di dos grupo mas grandi ku a nase pafó di Reino ta di Republika Dominikana (1417), siguí pa 940 votado for di St. Kitts i Nevis

Sobra votadonan ta repartï bou dje siguiente paisnan:

Dominica (839), Haïti (560), India (452), Anguilla (445), Estados Unidos (436), Jamaica (243), Guyana Ingles (352), St. Lucia (177), Trinidad i Tobago (133), China (113), U.S. Virgin Islands (109), Antigua i Barbuda (82), St. Vincent and the Grenadines (79), Grenada (64), Colombia (62), Puerto Rico (48), Barbados (43), Montserrat (38), Venezuela (33), Gran Bretania (27), Canada (25), Sur Afrika (25), Hongkong (24), Filipina (23), Koeweit (16), Jordania (15), Israel (12), Libanon (12), Pakistan (11), Nigeria (10), Argentina i Mexico (ambos 9), Alemania (8), Italia (7), Belgika, Peru i Spanja (tur tres 6), Australia, Maroko i Vietnam (tur tres 5).