5 famia mafioso arestá na Merka.


Despues di hopi aña di investigashon polis merikano a arestá 46 miembro di mafia. Nan ta sospechá di entre otro trafikashon di arma, trafikashon di hende, chantahe, pegamentu di kandela i hungamentu di wega di plaka ilegal. E sospechosonan ta pertenesé na 5 famia mafioso di mal fama ku ta biba na kosta ost merikano. E arestonan a tuma lugá na New York, New Jersey, Connecticut, Massachusetts i Florida.

Segun FBI e 46 detenidonan ta pertenesé na un sindikato yamá “The East Coast Enterprise” ku tin hopi mal fama i ku ta organisá nan aktividatnan for di New York. E sinku famianan mafioso tabata purba na amplia nan infuensha dor di semper bai usa mas violensha. P’esei FBI ta papia di un kaptura grandi.