Presidente interino di Brazil a habri weganan olímpiko ofisialmente.


Djabièrnè anochi a tene e seremonia di apertura di Weganan Olímpiko na Rio de Janeiro den stadion Maracana. Mas o menos 10:30 di anochi ora di Brazil, e presidente interino dje pais, Michel Temer a deklará e weganan habrí. Durante su diskurso kòrtiku e públiko brasileño a flùit Temer masalmente. Presidente Thomas Bach di IOC (Komité Olímpiko Internashonal) a bisa durante su diskurso di apertura ku e ta spera ku e weganan lo aportá na un mihó mundu. “Nos ta biba den un mundu di krisis, deskonfiansa i insiguridat. Esaki ta nos kontesta olímpiko. E dies mil deportistanan mas mihó ta bai kompetí ku otro i ta biba pasífikamente ku otro den ún pueblo, kaminda nan ta parti nan kuminda i nan emoshonnan”, Bach a bisa. E seremonia a kuminsá ku hopi baile i muzik. E seremonia a trata e di diferente orígennan di e pueblo brasileño. Durante di e parada di bandera Gresia a drenta e stadion komo e promé pais. E weganan ta dura te dia 18 di ougùstùs awor.