"Harry Potter and the Cursed Child", e guion de obra teatral nobo di e mago hóben, a bende mas ku 800.000 kopia na Reino Uni den apénas 3 dia. Esaki ta loke Little Brown Book Group a informá. Na Estádos Unídos a bende mas ku 2 mion kopia di e guion di e obra aki. E historia ta e di 8 den e serie di Harry Potter. E guion a sali na benta djadumingu último, despues di e premier di e obra teatral. E último buki den e serie Harry Potter and the Deathly Hollows a sali na 2007. Di e buki ei a bende 1.8 mion kopia. E obra ta tuma lugá 19 aña despues di e final di e último buki.