
Aktualmente aktor Terrence Howard konosí pa su ròl den e serie Empire, ta embolbí den un kaso ku un agensia a kuminsá kontra dje. Nan ta bisa ku nan a yuda e Howard den su karera komo aktor. E kompania ta pretendé ku e aktor a kibra un akuerdo oral, dor di no paga nan un komishon. E aktor a hür e kompania Authentic Talent na aña 2013. For di dokumentunan di korte ta indiká ku debí na esaki su karera lo a haña un empuhe. E kompania lo a guia e aktor pa asina optené e papel di Lucious Lyon den e popular serie Empire di FOX. Howard a pone un paro na e kolaborashon ku e kompania, ku awor ta eksihí 10 porshento di e ganashi. Segun nan ta danki na Autentic Talent Howard tin un kontrakt ku ta mar’é pa 7 aña na e serie Empire. Autentic Talent ta eksihí parti di e ganashi akí, algun ku ta masha normal den e industria aki. Terrence Howard mes ainda no a reakshoná públikamente riba e kaso ku tin kontra di dje. For di dokumentonan tin indikashon ku Howard lo a bai di akuerdo di paga e komishon.