A detené 21 ilegal riba awa na suit di Kòrsou.


Awe marduga, wardakosta a detene 21 persona ilegal riba laman. Tabata na momentu ku radar a kapta un boto straño na 6 mia suit di Korsou, ku botonan di wardakosta a sali pa bai wak e boto akí.

A interseptá e boto i na bordo a bin topa ku 21 persona, 20 venezolano i 1 kolombiano. Tur tabata ilegal. A konfiska tambe varios artikulo ilegal ku nan tabatin den na poder. Tur e personanan a keda detené i entregá na outoridatnan di duana i imigrashon.