top of page

No opstante situashon ekonómiko, Rio ta kla p'é weganan.


Presidente di e Komité Internashonal Olímpiko Thomas Bach ta di opinion ku Rio de Janeiro ta kompletamente kla pa weganan Olímpiko, no opstante di e problemanan finansiero ku Brazil ta eksperenshá. E evento olímpiko a únikamente trese kambionan positivo pa Rio de Janeiro, segun Bach. El a bisa esaki den un diskurso algun dia promé ku inisio di e weganan. Esaki ta e promé bia’ ku weganan olímpiko ta tuma lugá riba e kontinente Sur Amerikano. “Historia lo konta di un Rio di Janeiro promé ku e weganan olímpiko i un Rio muchu mihó despues di e weganan. E evento aki ta un transformashon positivo pa e siudat”. Brazil ta eksperensiando problemanan grandi di finansa i maneho. “Tabata un reto pa ta kla na tempu si konsiderá e situashon polítiko, ekonómiko i sosial aktual. E lugánan pa e kompetensianan ta kla, e habitantenan di Rio ta kla i mas importante, e atletanan ta kla”, Thomas Bach a finalisá.

[if !supportLineBreakNewLine] [endif]

bottom of page