Partido Propósito pa Kòrsou (Pro Kòrsou) a presentá lista di su kandidatonan pa elekshon 2016 na sede di e partido den Brievengat.
Lider Polítiko, Ivar Asjes, ta e úniko polítiko aktivo riba e lista di Pro Kòrsou. “Nos ta ofresé un ekipo di karanan nobo den polítika i tur ta siudadanonan kapas, konfiabel i dispuesto pa sirbi Pueblo i logra mas stabilidat, bienestar i ádelanto pa Kòrsou.
Tur kandidato riba lista di PRO KÒRSOU mester a pasa un proseso di “screening”, den kua na mester a kumpli ku rekisitonan manera entre otro: prueba di bon kondukta, deklarashon enkuanto kumplimentu ku impuesto i primanan sosial, deklarashon médiko i resultado di un tèst riba uso di droga.Propósitonan ku Pro Kòrsou ke traha ariba ta unidat i resultado pa Kòrsou, logra mas kupo di trabou, seguridat i bienestar pa pueblo. E lista pa elekshon di Partido Pro Kòrsou ta konsistí di 23 kandidato.
