top of page

E legendario kantante Tony Bennett ta kumpli 90 aña.


E legendario kantante Tony Bennett a kumpli 90 aña 3 di ougùstùs. Pa selebrá esaki a uni forsa pa produsí un speshal di NBC titulá : Tony Bennett Celebrates 90: The Best Is Yet To Come. Dia 20 di desèmber awor e spesial lo pasa riba televishon merikano.

Aretha Franklin, Lady Gaga, Elton John i Stevie Wonder ta algun di e nòmbernan prominente ku lo forma parti di e spesial akí. Ademas otro kantantenan manera Andrea Bocelli, Micheal Bublé, aktornan Alec Baldwin, Steve Buscemi, Kevin Spacey, John Travolta i Bruce Willis tambe lo ta parti di e produkshon.

Den un entrevista Bennett a bisa. “Mi a kumpli 90 aña anto mi ta sinti manera ta awor mi tei kuminsá. Mi ta stima kanta pa mi públiko i kompartí mi músika ku mundu”.

E kantante legendario a gana 19 Grammy Award durante su karera di mas ku 60 aña. Banda di esaki el a keda graba un álbum práktikamente tur aña pa un total di 57 grabashon di studio i 11 LP en bibu. Bennett tin e rekòrt di ta e kantante mas bieu, ku na edat di 85 aña, a logra alkansá puesto number 1 ku su álbum Duets na 2011. El a bolbe marka historia na 2014, ora ku na edat di 88 aña, el a posishoná su mes na puesto number 1 ku otro produskhon titulá Cheek to Cheek ku ta un kompilashon di grabashonnan den duo ku el a realisá ku e famoso Lady Gaga.

bottom of page