Merka i Cuba ta sigui diskutí kompensashon mutuo

Funshonarionan kubano i merikano a reuní na Washington pa e di dos tanda di kòmbersashonnan tokante kompensashon mutuo. Speshalistanan kubano i representantenan di Departamento di Estado Merikano di Hustisia i Tesoro, lo trata kompensashon ekonómiko opshonal, den kuadro di demandanan di tur dos banda.

Estados Unidos ta eksigí kompensashon pa e kompanianan merikano ku Cuba a nashonalisá despues di 1959, miéntras ku Cuba ta demandá pago pa e daño kousá pa e embargo ekonómiko imponé pa Washington for di 1962 te dia di awe, kual gastu ta kalkulá di a pasa 121 bion di dòler.

E reunion ku a tuma lugá dianan 28 i 29 di yüli, ta un kontinuashon di e promé bilateral ku a tene na Havana dia 8 di desèmber 2015. Den e promé kontakto aki a trata un interkambio di posishonnan tokante e kompensashon. Cuba, prinsipalmente a emití su demanda na gobièrnu merikano pa daño humano i ekonómiko ku a haña rekonosementu kompletu di Korte di Hustisia na Cuba.