Den un reakshon kòrtiku via nan página di Facebook, e organisashon di Curaçao North Sea Jazz a konfirmá presentashon di popular arista Chris Brown riba djabièrnè 2 di sèptèmber. Den e dianan ku a pasa rumornan a kuminsá sirkulá ku Brown lo no bini Kòrsou mas pa e gran festival, debí ku el a kanselá un resiente presentashon na Repúblika Dominikana i algun otro pais den Karibe. E motibu pa kua Brown a kanselá su presentashonnan no ta konosí. Di tur manera, CNSJ a deklará ku e lo tei riba e tarima Sam Cooke durante e fin di siman di e festival. Pues fanatikonan por buska nan karchi trankil pa e kontraversial artista, ganadó di Grammy, American Music Awards i BET Awards. Chris Brown ta un di artistanan mas popular na Merka, ku vários mion disko bendí.