Awe tardi a tuma lugá dos rueda di prensa, kasi simultaneamente. MFK a presentá nan lista i puntonan di akshon na Saliña, miéntras un poko mas pariba na Dominguito e partido nobo di René Rosalia tambe a presentá su lista di 16 kandidato i puntonan di akshon. MFK ke pa e yu di Kòrsou pensa grandi i tribi di soña. Kousa Promé ke yega na un yu di Kòrsou nobo. Algun punto di akshon ku a bini dilanti awetardi ta : Korte den promé instansia mester haña 3 wes. (Kousa Promé)
Bin ku un fabrika di kuminda di bestia. (Kousa Promé)
Kaminda nobo di Janthiel pa Marie Pampoen. (MFK) Mas mulina di bientu na Koraal Tabak. (MFK) Presidente di Korte mester ta yu di Kòrsou. (Kousa Promé) 0 tarief belasting pa studiantenan ku bini Kòrsou bèk. (MFK) Bullenbaai “tax” riba kada barí di krudo ku sali Kòrsou. (Kousa Promé) Mester bin un dia di Kòrsou. (Kousa Promé) Eliminá sistema di punto na FKP i traha 1000 kas pa aña. (MFK) Instansia di kòntròl riba Ministerio Públiko. (Kousa Promé) Usa awa di laman pa generá energia. (MFK) Kambia lusnan públiko pa “led”. (MFK)
Klek riba foto pa mira imágen grandi.
Riba pagina di e partidonan por lesa mas detayenan di e vishon i plan di akshon di kada partido. Klek aki pa bai página di Facebook di Kousa Promé. Klek akí pa bai wèpsait di MFK.