Atlético Nacional kampion di Suramérika.


E ekipo kolombiano Atlético Nacional ta konkistá COPA LIBERTADORES, e kopa di mas importante pa klupnan di Suramérika. Atlético Nacional a derotá Independiente del Valle di Ecuador ku skor mínimo. Miguel Borja (23) a skor e úniko gol di e partido. Siman pasá ora e dos ekiponan a enfrentá otro den nan promé wega i e partido a terminá empatá 1-1. Atlético Nacional no a pèrdè niun partido den grupo 4 i a keda ku 16 punto na promé lugá. Esaki ta di dos bia ku e ekipo ta gana Copa Libertadores. E promé bia esaki a sosodé na 1989.