Sientífikonan deskubrí un tipo di bayena úniko.


Un tim internashonal di sientífikonan a konfirmá eksistensha di un tipo nobo di bayena na nòrt di Osean Pasífiko. E bayena ku boka pretu, ta midi 7 meter (24 pia) di largura. Un tempu hende a kere ku ta un tipo di bayena di e tipo “boka di Baird” (yamá zifio de Baird) pero pruebanan genétiko a indiká ku e ta un tipo úniko. Phillip Morin ku ta un investigadó di biologia mólekular i otro ekspertonan a realisá tèstnan riba 178 bayena ku boka grandi ku ta biba den Osean Pasífiko. A públika e investigashon aki den e revista speshalisá Marine Mammal Science. Morin ta bisa ku e bayenan ku boka grandi asina, ta esnan di mas difísil pa studia, paso nan por pasa 90 minüt ta sambuyá pa buska kuminda. Ela bisa aserka ku e bayenanan aki ta pasa masha tiki tempu na superfisie i nan no ta tira salto. Mayoria bes nan ta biaha tambe den gruponan chikí.