Manera por a spera, tráfiko a pega formal riba Rooseveltweg djasabra anochi ora Partido MAN a presentá su lista ku 29 kandidato. Ku bendishon di pastor, presentashon di Dolce i Grupo Kompèr grátis pa pueblo, MAN a duna señal di salida pa su kampaña pa elekshon 2016. For di tempran pastor Luciano di parokia di Buena Vista a bendishoná e sede nobo di Partido MAN. Despues ku Liesje Lispier a kanta himno, e maestro di seremonia Wòti di Mangusa (Finchi Statie) a guia e programa. E promé ku a papia tabata e presidente nobo di Partido MAN Emile Walle, siguí pa lider di kampaña, Kenneth Gijsbertha. Tabatin presentashon di grupo di baile Sembra Alegria, pa despues e momentu kulminante ora ku MAN a presentá kada un di e kandidatonan ku MAN ta bai elekshon 2016 kuné. Lider di e partido blou, Hensley Koeiman a enfatisá riba e balansa ku e lista ta representá. Un meskla di sanger nobo i hóben, kombiná ku eksperensia. Djaluna 8 di ougùstùs MAN tambe lo ta presente na Kranshi pa entregá nan lista. Klek riba imágen pa mira foto grandi di ambiente na e sede nobo di Partido MAN (algun foto pa kortesia di Partido MAN, Gassan Danawi i Anthony Walle)
Momentu di ku fotógrafonan por a saka tur kandidato di MAN huntu.(video)
Trafiko pegá i basta hende na presentashon di lista di Partido MAN.(video)
Tur kandidato a subi esenario pa kanta e jingle di Partido MAN. (video)
LISTA OFISIAL di Partido MAN
Akí por bishita pagina di Partido MAN riba Facebook pa lesa manifesto di e partido. (link abou)
