CDC na Merka ta alertá pa Zika na Saba.


E sentro CDC (Centre for Desease Control And Prevention) na Merka a emití djamars 26 di yüli último un atvertensia di biahamentu pa Saba. Siguiendo e echo di transmishon lokal di e sangura ku ta sòru pa e infekshon viral Zika, e sentro a konsiderá importante pa saka un alerta. Transmishon lokal di e sangura kier men ku sanguranan den e área ta infektá ku e viro di Zika i ta plamando esaki bou di e pueblo. Ya ku prinsipalmente ta sanguranan ta plama e viro di Zika, CDC ta rekomendá esnan ku biaha pa Saba, pa nan protehá nan mes kontra di mordé di sangura. Sanguranan ku ta plama e viro di Zika ta morde mas agresivo den oranan di dia. Nan ta morde anochi tambe. No tin bakuna òf remedi pa e viro di Zika. E mihó manera pa evitá e infekshon ku e viro di Zika ta di prevení mordé di sangura. Tin algun biahero den e áreanan kaminda tin e viro di Zika, ku por ta infektá ku e viro, pero tin bia nan lo no bira malu mesora, sino te ora nan regresá nan pais. Tin e posibilidat eksistente ku por pasa e viro aki atraves di relashon seksual, pa kual motibu CDC ta pidi biaheronan prinsipalmente pa tene bon kuenta ku esaki.