Paris Hilton tin miedu ku teroristanan ta atak’é.


E yu muhé di e famia ku ta doño dje kadena hotelero, Paris Hilton tin miedu ku individuo òf gruponan terorista lo tiné na bista. “Mi ta un persona konosí i sigur por ta di interes pa nan”, asina el a bisa den un entrevista ku Diario De Ibiza. Último tempu e modelo ta wak mas rònt di dje. “Lo ke a pasa ta horibel. E atakenan resien na Nice i Alemania ta teribel. Mi ta sinti repugna i e kosnan ei ta duna hende miedu. Ora ku mi ta biaha, sorto di kosnan asina ta pasa den mi kabes”, Paris Hilton ta konta.

Último añanan e ta traha komo dj. No opstante di su miedu, e no tin idea di laga un grupo di seguridat rondon’é. Algun artista ta biaha ku 10 bodiguart, pero ami semper ta biaha sin seguridat. Mi ta gusta kore paranda ku mi amigunan meskos ku otro hende ta hasi.