Produkshon di pelíkula riba bida di Rubén Blades a start.


“Rubén Blades no es mi nombre”, ta título di un pelíkula nobo di e kantante. E revista Variety a anunsiá ku lo filma e obra na Panamá, New York i algun pais den Amérika Latino. “Nos ta bai ranka sali ku e proseso pa traha un dokumental di Rubén Blades. Ta un momentu interesante i emoshonante”, asina Benaím a skibi riba su pagina di Facebook. E sineasta panameño Abner Benaím a pone un portèt di dje huntu ku Rubén Blades na New York. Segun “Variety”, den e dokumental lo inkluí entrevista ku Blades, su famia, amigunan i otro artistanan. Lo inkluí imágen di konsiertonan, parti di su bida diario i di tempu e tabata polítiko. “Nos ta bai konsentrá riba su músika i partikularmente su letranan. Tambe e influensia ku esakinan tin riba esnan ku skucha, baila i pensa riba nan” asina e sineasta a agregá. Abner Benaím a dirigí entre otro dokumentalnan manera “Empleadas y Patrones (2010)”, “Invasión” i tambe e pelíkula “Chance”. No a bisa ainda pa ki dia e pelíkula lo ta kla.