Pedro Pablo Kuczynski ta e presidente nobo di Perú. Dia 28 di yüli ofisialmente el a asumí presidensia di e pais. E presidente nobo ke uni Perú i ta deseá pa trese igualdat i hustisia den su pais. Kuczynski, ku ta un ekonomista neoliberal, a deklará durante di su instalashon, ku e ta deseá un kresementu humano. E presidente nobo ke tambe pa tur hende disfrutá huntu di e kresementu ekonómiko na Perú. Ainda tin un diferensia grandi entre pober i riku den e pais.
E elekshon presidensial a kousa un desunion grandi den e pais. Kuczynsky, (77) ta susesor di presidente Ollanta Humala i el a gana hopi pèrtá di su rival Keiko Fujimori den e di dos buelta desisivo. Tabata e diferensia di voto mas chikí den historia di Perú. E presidente nobo lo sinta sinku aña.