Oprah Winfrey lo aktua den pelíkula di Disney.


Oprah Winfrey ta den e delaster fase di negosashon pa un papel den “A Wrinkle In Time”. E pelíkula di Disney ta dirigí pa Ava DuVernay, ku anteriormente a dirigí Selma. Oprah Winfrey a aktua den Selma tambe. ‘A Wrinkle in Time’ ta basá riba un buki ku e mesun título skibí pa e outor Madeleine L’Engle. Den e historia, ku a sali na 1963, tres mucha ta biaha dor di universo pa buska nan tata, un sientífiko ku a disparsé misteriosamente. Tres señora ku nan nòmber ta kuminsa ku e lèter W, ta yuda e muchanan.

Segun e revista Variety, Winfrey ta bai hunga e papel di un di e damanan sobrenatural. E buki ta e promé di un seri di sinku. Disney tin tambe Amy Adams i Kevin Hart na bista pa e otro papelnan. No ta konosí ainda ki dia lo estrená e pelíkula.