E presidente brasileño, ku a keda di skòrs, Dilma Rousseff, lo no presentá na e seremonia di apertura pa Weganan Olímpiko, ku ta start djabièrnè 5 di ougùstus na Rio de Janeiro.
Rousseff (68) lo no tei den stadion Macaraná pa e apertura, paso nan a ofresé un lugá na e di dos plano. Su antesesor Lula, tampoko lo tei presente na e apertura, segun Reuters. Komo man drechi di Lula, Rousseff tabata responsabel na 2009, pa logra haña e weganan na Brazil.
Presidente interino Temer a determiná ku Rousseff i Lula no tin mag di sinta huntu kuné i otro personanan prominente den e balkon di VIP, sino na un piso mas abou.
Despues ku un mayoria den senado na Brazil a aprobá, pa pone Rousseff riba nòn-aktif i e mester a baha komo presidente di e pais. Ta akusá Dilma Rousseff di iregularidat den presupuesto, durante antesala pa elekshon. El a keda suspendé pa mitar aña. Entretantu e Senado a start un sorto di proseso pa bah’é definitivamente.