Djadumingu mardugá nèt promé ku kuat'or, sentral di polis a risibí diferente yamada riba un kaso di tiramentu serio ku a tuma lugá riba e lugá di stashoná outo na Campo Alegre. Na yegada di e promé patruya polisial, a bin topa tres hòmber drumí na suela, ku ya no tabata duna señal di bida. Tur tres tabatin perforashon di bala rònt nan kurpa. Dòkter di polis a presentá na e sitio i a konstatá morto di e hòmbernan : Richenelo L.R.Emerencia, nasé 13 di febrüari 1994, Cristen Y.Leonard, nasé 26 di mei 1995 i Irvin M.Rosa nasé 16 di yanüari 1981. Tur tres víktima ta nasé aki na Kòrsou. Na e sitio, personal di e tim forénsiko a konfiská un kantidat grandi di bala. Riba òrdu di fiskal di Ministerio Públiko a konfiská e kurpanan pa mas investigashon.
(klek riba foto pa imagen grandi)
Cristen Leonard (21) Richenelo Emerencia (22)
Irving "Pulung" Rosa (35)