top of page

Motosiklista ta dal violento den “vangrail” i pèrdè bida.(foto)


Djadumingu mèrdia band’i mitar di un, sentral mester a manda polis pa aksidente grave ku a tuma lugá riba Schottegatweg-West na altura di Sto.Domingoweg, kaminda ta drenta pa bai Buena Vista. Na yegada e patruya a topa un motosiklista bentá abou na suela ku ya no tabata duna señal di bida. For di investigashon preliminar a sali na kla ku e motosiklista lo tabata kore den direkshon di Palu Blanku. Pa motibunan deskonosí el a pèrdè kòntròl riba e vehíkulo i a bai dal violentamente den “vangrail”. Dòkter di polis a presentá na e sitio i a konstatá morto di e hòmber Francis Bulo, nasé dia 15 di òktober 1992. Departamentu di tráfiko tin e kaso den investigashon. (klek riba foto pa imagen grandi)

bottom of page