Oposishon na Venezuela ta sigui pusha pa e aña akí mes e referèndem Revokatorio tuma lugá.

Jesús Torrealba a bisa AP ku Konseho Nashonal Elektoral a konkluí balides di 407.000 rúbrika ku mester a revisá di nobo. “No tin niun preteksto formal, ni tékniko, ni legal, p’asina di forma inmediato sigui pa e siguiente fase pa yega na un referèndem Konvokatorio”, asina Torrealba a sigui bisa prensa. Oposishon a logra validá 1% di e firmanan ku outoridatnan elektoral ta eksihí pa aktivá e siguiente fase di e proseso. E dirigente ta spera ku outoridatnan ofisial lo hasi un anunsio ofisial di fin di e proseso di balides i pa otro luna mes konvoká e rekolekshon di kasi 3.9 mion firma. Esaki ta ekivalente na 20% di eléktonan i nesesario pa aktivá konvokashon di e referèndem. Sinembargo ainda Konseho Nashonal Elektoral no a konfirmá balides di e firmanan, manera oposishon ta deseá. Oposishon e luna akí ta kuminsá ku un kampaña nashonal pa rekolekshoná 20% di e firmanan nesesario. Presidente Maduro a bisa ku oposishon a kometé froude i ku e no ta kere ku lo bin un referèndem revokatorio e aña akí.